O alumnado de 5º creou paisaxes inspirados en Ted Harrison, orixinario do Reino Unido pero namorado dos Territorios do Yukón, convertíndose así nun dos pintores favoritos de Canadá.
Estas paisaxes caracterízanse polas formas simples e cores vivas, como mostra este oso polar, debuxado de forma moi simple acompañado dun fondo moi colorido.
Aquí deixamos unha pequena mostra do proceso.
Comezamos ano novo, mes e trimestre!! Con ganas e moitos proxectos!! Neste pequeno gran forno que é a nosa escola xa se están a cocer boas ideas...
O alumnado de 3º leva a rutina do calendario ao máximo expoñente: cun calendario dixital no que anotan ata cando che cae un dente.
Pero 6º de Infantil tamén ven pisando forte... E colle soltura no manexo da PDI para as rutinas diarias... Sempre están Hungry... Non sei como se apañan!
E xa que vimos de recibir agasallos... Aproveitamos para aprender os nomes dos xoguetes cun memory game.
Pronto nos deixarán ver o resultado final...
Agardamos que vos guste!
Dende as seccións bilingües a rapazada de 5º e 6º traballan as paisaxes de inverno.
Outras tarefas que levamos a cabo no encerado dixital foron xogos con elementos do outono no que facemos distintas actividades de lóxica como atopar os intrusos, recoñecer as sombras dos elementos, xogar coas cantidades...
A rapazada de 5º de infantil, por grupos de traballo, facemos quebracabezas do Nadal traballando a coordinación ollo-mano, a motricidade fina, o pensamento lóxico… os/as alumnos/as teñen que dirixir “arriba/abaixo”... sendo un traballo colaborativo.
Tamén aprendemos a localizar onde viven en Google maps, buscar cidades que coñezan (Vigo, Madrid, Barcelona) e buscar Roma que é a capital do país que estamos a traballar no Proxecto.
A rapazada de 6º de infantil tomou en serio o seu proxecto. Por unha banda, observando a porta da nosa aula podemos ver algunha das fichas que fixemos ao longo do trimestre sobre o Reino Unido, que se foron completando poc a poco na PDI, para ir compartindo os contidos acadados co noso pasillo, a través dunha porta de aula interactiva.
Por outra banda, buscamos información sobre Alemaña, localización, monumentos, gastronomía; tamén usamos o visor para fotografiar a ficha do proxecto de alemaña para así poder completar entre todos, para visualizala nun tamaño maior, o que facilita moito o traballo de achegamento á lecto-escritura.
Esta rapazada non para! Pronto vos amosaremos máis cousiñas!
Agardamos que vos guste!
A continuación queremos compartir algunhas das tarefas do rpimeiro trimestre en Infantil.
A rapazada de 4º de Infantil traballamos o esquema corporal e entre todos e todas debuxamos na pizarra dixital as partes do noso corpo.
Finalmente, con motivo da celebración do día da discapacidade, 3 de decembro, e tras ler o conto O paraugas da Cebra, a rapazada de 6º de Infantil debuxamos na PDI o noso propio paraugas.
Agardamos que vos guste!
Como parte do proxecto de centro: A viaxe que nos une, o alumnado de 3º A, familiarizase a fondo coa bandeira do país asignado e aprenden a usar o lapis 3D. Están a facer unhas follas de arce, árbore emblemática deste país, perfilándoas...
Agardamos que vos guste!
O alumnado de 4º de EI desfruta cada visita do Beebot. Na sesión de novembro fixemos un trato: o beebot volvería de visita se eles colaboraban na elaboración do taboleiro. E así foi:
Repartimos motivos da conmemoración, para colorear:
Todo listo para xogar!!!!! Snowman, Santa, reindeer... 1, 2... Go, go, go!!!!
Agardamos que vos guste!!
Rematando xa o trimestre o alumnado de 3º ponse a proba nunha breve entrevista sobre os deportes que dominan. Este alumnado está en forma!!! Escoitade atentamente!
3º A
A rapazada de 4º de Primaria elabora un lapbook . A temática é a clasificación dos seres vivos en cinco reinos.
Investigamos, coa axuda de tabletas, ordenadores e a pizarra dixital, accedendo a páxinas web educativas e a vídeos pedagóxicos.
Nesta actividade combinamos a investigación con ferramentas dixitais e creación manual e creativa, tan importante!!!
Agardamos que vos guste!
A rapazada de 1º de educación primaria, participou nunha pequena gravación na que se presentaron brevemente: nome e idade... En próximas entregas saberemos máis cousas desta rapazada.
Polo de agora, agardamos que disfrutedes desta pequena gravación.
En relación co proxecto, A viaxe que nos une, elaboramos traballos relacionados con Australia, Xapón e Tailandia . en formato dixital ou en cartolina.
Despois dunha exposición oral, quedaron expostos na cortiza de cada aula.
Agardamos que vos guste!
O alumnado de 5º de Primaria viaxa a Xapón, como parte do proxecto de centro A viaxe que nos une. Nestes momentos adican as sesións de Arts a pintar Koi Fish, con acuarela e tiza. Os koi Fish son un tipo de carpa, colorida e cargada de simbolismo no mundo asiático. Aquí vos deixamos unha mostra dos seus traballos:
Dende o proxecto: A viaxe que nos une, se viaxades nesta fin de semana, prestade atención ao tempo!! O alumnado de 2º A vaivos dar a previsión destes países...
Hoxe o alumnado de 2º B vaivos falar do tempo meteorolóxico en distintos países. Como ben sabedes, o proxecto de centro, "A viaxe que nos une", lévanos a viaxar e coñecer distintos países. Pois antes de facer a maleta... Imos ver que tempo vai!!!
