Rapazada ocupada!

 

A continuación queremos compartir algunhas das tarefas do rpimeiro trimestre en Infantil. 

 A rapazada de 4º de Infantil traballamos o esquema corporal e entre todos e todas debuxamos na pizarra dixital as partes do noso corpo.

 

Tamén coñecemos diferentes figuras e logo decoramos con distintos elementos intentando facer grafismos creativos.

Coa chegada do nadal, tras a lectura do conto El muñeco de nieve feliz, fixemos o noso propio debuxo do relato na PDI. Primeiro comezamos elixindo as figuras xeométricas para o noso debuxo do boneco de neve, e despois enchémolas con diferentes cores poñendo a proba a nosa imaxinación e creatividade. Como lles gustou o resultado decidiron debuxar tamén unha árbore de nadal.

                    

Finalmente, con motivo da celebración do día da discapacidade, 3 de decembro, e tras ler o conto O paraugas da Cebra, a rapazada de 6º de Infantil debuxamos na PDI o noso propio paraugas. 

 

Agardamos que vos guste!