Matata Lab

Comezamos a semana grande das nosas Letras. Este ano as homenaxeadas son as cantareiras. O alumnado de 6º de primaria iniciouse no uso dunha ferramenta nova: o coding set, de Matata Lab, para resolver retos relacionados coas cantigas e cantareiras. Ademais de manexar o robot e  resolver cadanseu reto, leron códigos QR, coa axuda da tablet, nos que escoitaron cantigas tradicionais.

Trátase dun robot educativo sinxelo e atractivo, co que iniciar ao alumnado en robótica e programación sen internet nin apps.

Comunicámonos

Neste programa co gallo do día internacional do autismo, dende a radio queremos visibilizar a diversidade na que vivimos mediante a lectura dun conto adaptado.

1, 2, 3... Probando!

Na nosa incesante busca por sorprender e motivar ao noso alumnado con diversidade de experiencias, esta semana tivemos unha primeira toma de contacto, nunca mellor dito, cun novo material: o Tecla a Tecla, consistente nunha placa electrónica baseada en Arduino, que funciona como un emulador de varias teclas do teclado e botóns do rato. 

O concepto básico é a condutividade. Calquera material condutor que conectemos á placa poderá converterse nunha tecla máis do teclado.

Conectando os latiguillos de tipo cocodrilo, que serán a extensión das teclas de movemento do cursor, tecla espazo, e botón esquerdo do rato, tanto á placa Arduino como a distintos materiais condutores, poderemos dotalos de acción. Neste caso dotámolos de música!!!

Tocamos por pracer, e para iso empregamos como escusa o repaso de conceptos que xa temos afianzados, como son as cores en lingua estranxeira.

A medida que dominemos a técnica, faremos desta unha ferramenta máis do noso repertorio, e usarémola ao noso antollo para enriquecer a nosa aprendizaxe. Permanecede atent@s!!!

Unha vez máis, comprobamos que esta rapazada atrévese con todo!!! 👏

 

Chega o mes de abril e...

Neste novo programa de radio falamos de cultura; a orixe do mes de abril, os días máis destacados, as festas do noso concello e dos arredores.

Tamén facemos unha viaxe ao Rosal e A Garda na que vos contamos curiosidades destes dous concellos. Ademais falamos das LINGUAS MATERNAS tan importantes para visibilizar a lingua propia de Galicia, temos que coidar O GALEGO, facelo de novo a nosa lingua materna...

Falamos de ferramentas?

As ferramentas que empregamos durante este trimestre foron do máis variado. Aquí tedes algúns exemplos... 

O alumnado de infantil revisou as cores a través de distintas actividades en formato EDILIM.

Outra das ferramentas foi o robot EARL 2, que empregamos para practicar vocabulario relativo ao tempo metereolóxico.

E por último, pero non por iso menos importante... 4º de Infantil, resolvendo labirintos, nos paneis Interactivos.

A esta rapazada non hai ferramenta que se lle resista!!!

Fin do trimestre

Remata outro trimestre longo que deu para moito... No seguinte vídeo recollemos unha pequena mostra dos traballos que nos enredaron. Agardamos que vos gusten!

8 M

Neste novo programa de radio imos festexar o 8 M, dende a nosa escola consideramos que é moi importante dar a coñecer aos nenos e nenas estes valores de igualdade, sen prexudicar a ninguén, debemos aprender a convivir, compartir e a respectar a todas e todos.

Tamén vos falamos do noso proxecto de centro: "As mulleres tamén fan historia". Un capítulo máis deste tema tan apaixonante.
Desexamos que gocedes del.

Unha aperta radiofónica dende Radio Negueirós, a radio que fala coma nós.

Celebramos a Rosalía

No noso programa de hoxe, falarémosvos do noso PDI de Centro "As mulleres tamén fan historia". Un episodio máis para coñecer un pouquiño máis da nosa historia. Tamén falaremos de Rosalía de Castro xa que como cada ano celebramos na nosa escola o día de Rosalía o 23 de febreiro, data na que se conmemora o seu nacemento.

Desexamos que gocedes do programa.

Mulleres na Ciencia

Neste programa de radio imos contarvos todo o que investigamos sobre "As mulleres e a ciencia", aprendemos moitas cousas e despois de recabar información fixemos o noso programa de radio e con todos os datos realizamos unhas fichas informativas sobre algunhas das científicas máis importantes da historia, aínda que nos quedaron moitas sen expoñer.

Tamén vos contamos curiosidades do noso Entroido.

Desexamos que gocedes do programa. Unha aperta grande dende o CEIP Manuel Padín Truiteiro. Aburiño.

ENTROIDO 2025

 

ENTROIDO 2025

 XOVES VEN COMO QUEIRAS

ENTROIDO 2025

MÉRCORES

ENTROIDO 2025

O MARTES UN PANO NA CABEZA E UNHA SAIA

Obradoiro de fotografía

Desta vez, recibimos a visita do mestre Demetrio, que volveu ás aulas do Padín para facernos un obradoiro, no que falou sobre a evolución da cámara escura e deunos unhas pautas para poder elaborar a nosa. Grazas por compartir o teu tempo e saber con nós!

  

                                          

            

Entroido 2025

Programa pola Paz

Neste programa traballamos o noso proxecto de Centro no apartado de Radio Proxecto. Hoxe falamos das mulleres que foron galardoadas co Nobel da PAZ.

Como o noso programa de hoxe versa sobre "A Paz" imos recitar un poema ben fermoso de Niemöler e ademais leremos "Carbón para Mike" unha fermosa historia de solidariedade.

Desexamos que gocedes do programa, tanto como gozamos nós ao facelo.

Unha aperta agarimosa dende O CEIP Manuel Padín Truiteiro de Arcade en Soutomaior.

Día escolar da Non violencia e da Paz

O alumnado de 5º e 6º de EP, dende as seccións bilingües, estivemos estes días deseñando bandeiras de Palestina para conmemorar o Día da Paz e pedir o fin da violencia contra o pobo palestino.🕊☮

 

Outros cartaces contiñan distintos símbolos da paz. Tanto bandeiras como símbolos estiveron acompañados de palabras de paz, ditas por persoas gañadoras do Nobel da Paz.

 

David goes to school

Este é un dos contos máis populares entre o alumnado máis novo do centro, tanto é así que xa o saben contar eles.

Agardamos que vos guste!

Xaneiro dende Radio Negueirós!

Estamos xa en Xaneiro, escomenzando o 2º trimestre, e a nosa radio continúa coa súa andaina, escomenzamos con Radio Proxecto e as super heroínas de Galicia do século XX.

Falamos das heroínas da Illa de Sálvora, na Ría de Arousa. Eran mulleres valentes, afoutas: Ciprina, de 24 anos; Josefa, de 16 anos, e María, de 14 anos, que fixeron tres viaxes para rescatar aos náufragos do Santa Isabel, arriscando a súa propia vida.

En Ribadavia temos ás irmás Touza, que axudaron a pasar a Portugal a moitas persoas perseguidas.

Informamos tamén de: Que pasou en Xaneiro?
E imos coñecer como fai o burro, a ovella, o can, o corvo e máis, todo isto para saber máis GALEGO!

Chegou o Inverno...

Chegou o inverno... e no cole vaise notando nos traballos, nos xogos, nas cantigas... no ambiente!!!

Pero isto non queda aquí! 

Aburiño!