Finalizando Outubro a escola énchese de criaturas, seres do máis terrorífico... Mete medo!! O alumnado das seccións bilingües, con moito arte, traballaron a simetría e o espacio positivo/negativo, cun fantástico resultado: Halloween positive/negative Art.
Pero non todo van ser criaturas!!! Sen dúbida, non podiamos deixar de decorar as nosas Pumpkins. Desta vez estiveron inspiradas en Romero Britto.
Agardamos que vos guste!
Dende o proxecto de centro "A viaxe que nos une", este curso teremos a sorte de viaxar por continentes, países, culturas e tradicións. Onte comezou o Diwali, Festival da Luz, a festa máis importante da India. O noso alumnado das seccións bilingües achegouse a esta celebración a través do Rangoli, técnica de debuxo de distintos patróns cheos de cor, que xa decoran os nosos corredores.
Os nenos e nenas de 5º C comezamos a traballar na nosa horta.
Fertilizamos a terra e xa plantamos produtos de inverno.
Queridas Familias,
Xa estamos de volta e neste mes que levamos xuntos, xa collemos ritmo. Demos a benvida a un novo curso... E a unha nova estación!
Presentámonos.
E lembramos saberes que tiñamos gardados na nosa memoria.
Xa dominado o Robot Coding Set, levámolo ao noso terreo. Que pode haber máis divertido que viaxar? Con este pequeno axudante coñecemos o relevo de Europa (montes, ríos, mares… ), deixamos Galicia e eliximos diferentes destinos onde levalo.  Outra aventura moi ben aproveitada!!! |
Unha vez familiarizado coas novas ferramentas, o noso alumnado sube un chanzo na escaleira da súa aprendizaxe. A rapazada de 5º e 6º pasou de superar os retos propostos polo profesorado, a ser quen de facer os seus propios, relacionados cos contidos traballados nas
distintas áreas e proporllos aos compañeiros e compañeiras
segundo o lugar ao que decidan levar o robot.
Dende as seccións bilingües quixemos facer a nosa pequena achega ao proxecto de centro: Mulleres que fan Historia. Deste modo, dende Educación visual e plástica, e como punto final a unidade didáctica sobre Dora Maar, o alumnado mergullouse na web: https://www.womenphotograph.com/, onde puido gozar de milleiros de fotos realizadas por fotógrafas do mundo, e escoller a súa favorita.
Coa nosa selección, fixemos unha Lightbox Gallery colaborativa, na aula virtual, que plasmamos fisicamente no noso libro de fotógrafas.
Chegou maio á escola, que rápido pasou o curso, xa non queda nada...
Neste programa de radio imos falar da tradición de 1 de Maio, a súa historia, o seu porqué...
Outras celebracións propias deste mes son o día da nai, o 2 de Maio na comunidade de Madrid...
Pero se algo festexamos neste mes é ... O día das Letras Galegas, que neste ano homenaxea ás cantareiras, que gardaron a poesía poular oral, representadas por Adolfina e Rosa Casás, Eva Castiñeira, Prudencia e Asunción Garrido e Manuela Lema.
Se queredes saber que outras datas importantes hai neste mes, que significa Green washing... e tantas outras curisosidades sobre pesticidas e refráns, escoitade atentamente!!
Grazas unha vez máis por escoitarnos!!
Un saúdo agarimoso.
