ENTROIDO 2025

 XOVES VEN COMO QUEIRAS

ENTROIDO 2025

MÉRCORES

ENTROIDO 2025

O MARTES UN PANO NA CABEZA E UNHA SAIA

Obradoiro de fotografía

Desta vez, recibimos a visita do mestre Demetrio, que volveu ás aulas do Padín para facernos un obradoiro, no que falou sobre a evolución da cámara escura e deunos unhas pautas para poder elaborar a nosa. Grazas por compartir o teu tempo e saber con nós!

  

                                          

            

Entroido 2025

Programa pola Paz

Neste programa traballamos o noso proxecto de Centro no apartado de Radio Proxecto. Hoxe falamos das mulleres que foron galardoadas co Nobel da PAZ.

Como o noso programa de hoxe versa sobre "A Paz" imos recitar un poema ben fermoso de Niemöler e ademais leremos "Carbón para Mike" unha fermosa historia de solidariedade.

Desexamos que gocedes do programa, tanto como gozamos nós ao facelo.

Unha aperta agarimosa dende O CEIP Manuel Padín Truiteiro de Arcade en Soutomaior.

Día escolar da Non violencia e da Paz

O alumnado de 5º e 6º de EP, dende as seccións bilingües, estivemos estes días deseñando bandeiras de Palestina para conmemorar o Día da Paz e pedir o fin da violencia contra o pobo palestino.🕊☮

 

Outros cartaces contiñan distintos símbolos da paz. Tanto bandeiras como símbolos estiveron acompañados de palabras de paz, ditas por persoas gañadoras do Nobel da Paz.

 

David goes to school

Este é un dos contos máis populares entre o alumnado máis novo do centro, tanto é así que xa o saben contar eles.

Agardamos que vos guste!

Xaneiro dende Radio Negueirós!

Estamos xa en Xaneiro, escomenzando o 2º trimestre, e a nosa radio continúa coa súa andaina, escomenzamos con Radio Proxecto e as super heroínas de Galicia do século XX.

Falamos das heroínas da Illa de Sálvora, na Ría de Arousa. Eran mulleres valentes, afoutas: Ciprina, de 24 anos; Josefa, de 16 anos, e María, de 14 anos, que fixeron tres viaxes para rescatar aos náufragos do Santa Isabel, arriscando a súa propia vida.

En Ribadavia temos ás irmás Touza, que axudaron a pasar a Portugal a moitas persoas perseguidas.

Informamos tamén de: Que pasou en Xaneiro?
E imos coñecer como fai o burro, a ovella, o can, o corvo e máis, todo isto para saber máis GALEGO!

Chegou o Inverno...

Chegou o inverno... e no cole vaise notando nos traballos, nos xogos, nas cantigas... no ambiente!!!

Pero isto non queda aquí! 

Aburiño!

Decembro en Radio Negueirós

Xa chega o fin do trimestre!! Estamos xa en decembro con poucas chuvias e cos días curtos.

Hoxe falamos dunha muller que non coñeciamos: Genma Nierga. Estade moi atentos e atentas, pois a súa vida é moi interesante.

Debuxamos como Yayoi Kusama

Se a nosa primeira obra de arte foi un graffiti, inspirándonos na artista afgá Samsha Hassani, o seguinte paso foi uns motivos de outono inspirados en Yayoi Kusama.

Tras debuxar cadansúa infinity net, sobre ela pegamos un motivo vexetal (pumpkins and mushrooms), debuxado, recortado e decorado co motivo máis característico da artista: os polka dots.

Quedounos ben vistoso! Dará cor aos nosos corredores ata chegar o inverno...

Mentres agardamos e preparamos a decoración de Nadal, hai quen atopa un anaco para desbordar creatividade na tarefa Think outside the box:

Esta non é unha silla. É...

Isto non é unha taza. É... Nin un paraugas. É...un casco!!!!

Bo traballo!

Goodbye Autumn!

Despedimos o outono, que na nosa escola pasou voando entre tarefa e tarefa. Abofé que o noso alumnado estivo ben ocupado...

Aprendemos as cores do outono, os froitos... Con cantigas e xogos...

Apreciamos paisaxes de outono, convertidos en quebracabezas.

E mesmo contamos contos, contos que escribiron outros...

E contos feitos por nós!!! Contos que despois de coloreados e decorados, ben merecen ser contados!

Os días pasan e vai chegando o inverno... Pero ese... Xa é outro conto!

Bye🍂🎃

25 N Día Internacional para a Eliminación da Violencia contra as mulleres

O 25 de novembro na nosa escola lembramos o por que dese día, da visión patriarcal que levou á matanza das irmáns Mirabal, as volvoretas da liberdade.

Hoxe en día segue a haber moitas irmáns Mirabal, mulleres que viven nun mar de bágoas escondidas.

As mulleres só queren IGUALDADE, e dende a nosa escola tentamos que así sexa, educando ao noso alumnado na IGUALDADE.