E chegou Maio

Chegou maio á escola, que rápido pasou o curso, xa non queda nada...

Neste programa de radio imos falar da tradición de 1 de Maio, a súa historia, o seu porqué...

Outras celebracións propias deste mes son o día da nai, o 2 de Maio na comunidade de Madrid...

Pero se algo festexamos neste mes é ... O día das Letras Galegas, que neste ano homenaxea ás cantareiras, que gardaron a poesía poular oral, representadas por Adolfina e Rosa Casás, Eva Castiñeira, Prudencia e Asunción Garrido e Manuela Lema.

Se queredes saber que outras datas importantes hai neste mes, que significa Green washing... e tantas outras curisosidades sobre pesticidas e refráns, escoitade atentamente!!

Grazas unha vez máis por escoitarnos!!

Un saúdo agarimoso.

A electricidade

Nas últimas semanas o alumnado de 6º abordou o tema da electricidade, dende distintas perspectivas. En primeiro lugar comprobou o significado de condutividade. Experimentou con distintos materiais, comprobando se eran condutores de  electricidade, coa axuda dunha nova ferramenta: tecla-tecla.

A continuación participaron na elaboración de circuítos eléctricos con cinta condutora en diferentes padróns.

 

 

 

Foron dúas sesións de actividades con materiais manipulábeis, nas que o alumnado manexou distintos materiais co obxecto de aprender, explorar e desenvolver habilidades motoras finas, e durante as aprendeu dunha maneira práctica e divertida.

As actividades con material manipulábel ofrecen beneficios como: o desenvolvemento de habilidades motoras finas, o desenvolvemento da coordinación ollo-mano, a estimulación cognitiva, o desenvolvemento de habilidades sociais, a mellora da atención e concentración e a mellora da independencia funcional.

Agardamos que vos gustase!! 💡

Matata Lab

Comezamos a semana grande das nosas Letras. Este ano as homenaxeadas son as cantareiras. O alumnado de 6º de primaria iniciouse no uso dunha ferramenta nova: o coding set, de Matata Lab, para resolver retos relacionados coas cantigas e cantareiras. Ademais de manexar o robot e  resolver cadanseu reto, leron códigos QR, coa axuda da tablet, nos que escoitaron cantigas tradicionais.

Trátase dun robot educativo sinxelo e atractivo, co que iniciar ao alumnado en robótica e programación sen internet nin apps.