Unha vez familiarizado coas novas ferramentas, o noso alumnado sube un chanzo na escaleira da súa aprendizaxe. A rapazada de 5º e 6º pasou de superar os retos propostos polo profesorado, a ser quen de facer os seus propios, relacionados cos contidos traballados nas
distintas áreas e proporllos aos compañeiros e compañeiras
segundo o lugar ao que decidan levar o robot.
Dende as seccións bilingües quixemos facer a nosa pequena achega ao proxecto de centro: Mulleres que fan Historia. Deste modo, dende Educación visual e plástica, e como punto final a unidade didáctica sobre Dora Maar, o alumnado mergullouse na web: https://www.womenphotograph.com/, onde puido gozar de milleiros de fotos realizadas por fotógrafas do mundo, e escoller a súa favorita.
Coa nosa selección, fixemos unha Lightbox Gallery colaborativa, na aula virtual, que plasmamos fisicamente no noso libro de fotógrafas.
Chegou maio á escola, que rápido pasou o curso, xa non queda nada...
Neste programa de radio imos falar da tradición de 1 de Maio, a súa historia, o seu porqué...
Outras celebracións propias deste mes son o día da nai, o 2 de Maio na comunidade de Madrid...
Pero se algo festexamos neste mes é ... O día das Letras Galegas, que neste ano homenaxea ás cantareiras, que gardaron a poesía poular oral, representadas por Adolfina e Rosa Casás, Eva Castiñeira, Prudencia e Asunción Garrido e Manuela Lema.
Se queredes saber que outras datas importantes hai neste mes, que significa Green washing... e tantas outras curisosidades sobre pesticidas e refráns, escoitade atentamente!!
Grazas unha vez máis por escoitarnos!!
Un saúdo agarimoso.
Neste programa co gallo do día internacional do autismo, dende a radio queremos visibilizar a diversidade na que vivimos mediante a lectura dun conto adaptado.
Na nosa incesante busca por sorprender e motivar ao noso alumnado con diversidade de experiencias, esta semana tivemos unha primeira toma de contacto, nunca mellor dito, cun novo material: o Tecla a Tecla, consistente nunha placa electrónica baseada en Arduino, que funciona como un emulador de varias teclas do teclado e botóns do rato.
O concepto básico é a condutividade. Calquera material condutor que conectemos á placa poderá converterse nunha tecla máis do teclado.
Conectando os latiguillos de tipo cocodrilo, que serán a extensión das teclas de movemento do cursor, tecla espazo, e botón esquerdo do rato, tanto á placa Arduino como a distintos materiais condutores, poderemos dotalos de acción. Neste caso dotámolos de música!!!
A medida que dominemos a técnica, faremos desta unha ferramenta máis do noso repertorio, e usarémola ao noso antollo para enriquecer a nosa aprendizaxe. Permanecede atent@s!!!
Unha vez máis, comprobamos que esta rapazada atrévese con todo!!! 👏
As ferramentas que empregamos durante este trimestre foron do máis variado. Aquí tedes algúns exemplos...
O alumnado de infantil revisou as cores a través de distintas actividades en formato EDILIM.
A esta rapazada non hai ferramenta que se lle resista!!!
Remata outro trimestre longo que deu para moito... No seguinte vídeo recollemos unha pequena mostra dos traballos que nos enredaron. Agardamos que vos gusten!
Desta vez, recibimos a visita do mestre Demetrio, que volveu ás aulas do Padín para facernos un obradoiro, no que falou sobre a evolución da cámara escura e deunos unhas pautas para poder elaborar a nosa. Grazas por compartir o teu tempo e saber con nós!
